الرئيسية / مقالات / افياء ايمن كبوش بعنوان حكايات شدادية

افياء ايمن كبوش بعنوان حكايات شدادية

حكايات شدادية

>لا اشك، مطلقاً، بأن البروفيسور كمال شداد قد وافق على العودة الى مكاتب الاتحاد العام، رئيساَ، وعلى صهوة جواد امانة الشباب، ليس حباً فيها، ولا في افرادها، ولا في النظام نفسه، الا لشيء واحد مبدأه الانتقام وخبره الانتقام من تلاميذه الذين غدروا به في انتخابات 2010 التي اتت بالدكتور معتصم جعفر ومجموعته التي غادرت هي الاخرى المشهد الرياضي بذات السيناريوهات التي غادر بها البروفيسور كمال شداد.
>واكثر من اسعدني، وابهجني في هذه اللعبة بـ(دورها الداير) ان البروف لم يعد يعبأ بأولئك الذين حملوه حملاً على صهوات احصنتهم الى مكاتب الاتحاد العام.. فالرجل مازال مع الود القديم ومازال يكرر تجربة العراب الاوحد والذين من حوله مجرد تلاميذ.
>دققوا النظر في المجموعة التي تحوم حول البروف حاليا.. وعليكم قبل ذلك ان تراجعوا ما كتبه الزميل الاستاذ صلاح الباشا وهو واحد من المقربين من البروف.. حيث انتقد تصرفات المتبطلين الذين تركوا اعمالهم وتفرغوا لسكنات وحركات البروف.. فمنهم من يحمل له الشنطة غدواً ورواحاً.. ومنهم من يمسك بيد البروف ليدرجه من اعلى الى ادنى والعكس.. فقال لهم: هل كمال شداد بات اعمى؟!! 
>دققوا النظر في هؤلاء فستجدوا انهم مجرد حاشية ليس لديهم اي كسب رياضي ولا مجاهدات ولا عطاء في اعادة البروف الى الواجهة من جديد.
>يستطيع البروف ان يضع امانة الشباب التي عملت لاجل اعادته في (الجيب الخلفي) وان يطوي الهلال والمريخ تحت جناحيه ولا يبالي.. فقد كان الرجل منذ ايام شبابه في ادارة الشأن الرياضي لا يطيق ان يرى الهلال والمريخ، معاً، في صفه.. فلابد ان يُقرب الهلال في الوقت الذي يبعد فيه المريخ والعكس صحيح.. ولكن اكثر ما اعجبني، بصراحة شديدة، هو استطاعته وقدرته على الا يكون لديه (كبير).. وله الف حق في ذلك.. هو كمال شداد.. وكمال شداد لا يعترف بـ(لا) الناهية ولا (لا) البادية.. ليس هناك من يعرف في الشأن الرياضي اكثر منه.. وليس في مجموعته من له اسم في حجم اسمه.. لذلك لا نستغرب او نستعجب والرجل ينجح في (تقزيم) دور المهندس نصر الدين حميدتي نائب الرئيس للشئون المالية.. وحصر اختصاصاته في مراجعة الاوراق المالية بعد ان حرمه من التوقيع على شيكات (الحساب الدولاري) فأصبح التوقيعان للبروف شداد والدكتور حسن ابوجبل فقط.
>قبل ايام قليلة.. استعرت الازمة مع كتلة الدوري الممتاز.. أرادت الجهة التي اعادت شداد الى الاتحاد العام ان تتدخل.. فبعثت بمندوبين ليتقصيا الحكاية ويطرحا مبادرة.. جاء شداد وسأل عنهما: انتوا منو؟ انا امير.. وانا جمال… خير ان شاء الله.. فرد امير ويبدو انه اكثر جرأة من رفيقه: (في الحقيقة نحن عندنا مبادرة لرأب الصدع بين الاتحاد وكتلة الممتاز وبنرى..) هنا تدخل البروف متسائلا: انتوا منو يا اخوي البترو ديل…) فأجاب المندوب: (نحن.. نحن.. نحن..) فيقول شداد: يعني انتوا ما عندكم فريق لاعب معانا هنا؟ شوفو انا ما بقبل اي وساطات في الكورة.. اتفضلوا اطلعوا بره. 
>هذي هي بعض الاشياء الجميلة في البروف شداد.. الوضوح والصراحة.. استطاع الرجل ان يحسم ويصرع جهات عديدة وكأنه شاب في العشرين.. صرع حميدتي (بتاع الرهيفة التنقد) وحوله الى موظف لا امين مال بكامل الصلاحيات.. والبقية في الطريق.. شداد منتصر حتى الآن ستة صفر ولا مو هيك يا حميدتي.
//////////////

التعليق بواسطة فيس بوك

5 تعليقات

  1. شوف ياكبوتش ياخوي البروف ده ابعد منو لسبب بسيط مافي زول احسن منو بقدر يقود الكوره السودانيه دي وكان عندك زول احسن وافهم منو قولو لينا واتحداك .

    يعني عشان الارباب بنتقدو انت مع الارباب ياخوي والله نحن ناس الارباب اكتر منك بس الارباب في دي ماعندو حق الاتحاد العام ده الارباب مابصلح فيهو والارباب بفهم في الكوره بس والله قدام شداد ولا حاجه .

    بعدين ابعد حميدتي من حسابات الدولار عشان داير يحافظ علي المال العام وده مامعناهو حميدتي حرامي بس انت خلي شغل المديده حاره ده
    وبعدين يشيلو ليهو الشنطه ولا يشيلوهو هو زاتو دع ماانتقاد ليك تكتبو في عمود

    عليك الله خليك في ناس الرشيد وفاطنه ديل شداد ده شعر ماعندك ليهو رقيه
    وبعدين ياخوي نحن البنقرا ليك انت ولا لي غيرك واااعين وفاهمييين جنس الكلام الفطير ده ماباثر فينا

    شداد ده زول
    اكتر زول بفهم كوره في البلد دي
    وزول في مجالو موسوعه عديييل
    وزول دغري
    وماحرامي
    ولا بخاف من جرايد ولا بخاف من الهلال ولا بخاف من المريخ

    لو عندك زول بس بالمواصفات دي قولو لينا ماتنتقد ساي من اجل الانتقاد وماتباري الارباب ده في اي حاجه
    الارباب نحن ناسو والله بس الارباب عندو اخطا وواحد منها انتقادو لي شداد ده
    وزمااان ماقال لو شداد اترشح هو مابترشح هسي يعني شداد بقا كعب
    هوووي ياكبوتش احترمو عقولنا دي

  2. قبيح الوجه واللسان كليب إبليس !
    عليك الله فك لينا الشفرة بتاعة الكادوك القال عنه سيدك وإنه محبوس بسببه وماقادر يرجع السودان، علي الأقل تلقي ليك هبرة كبيرة من المحبوس تمشي بيها حالك وكسير التلج يبقي عنده فايدة وقيمة، الشغل بتاع الجنيهين جنيهين ده مابعمل ليك حاجة مع الغلا الضرب البلد وجنن الناس جن
    آخر الزمن القامات الزي شداد تشتمها الكليبات وتقل أدبها عليه
    علامات الساعة هههههههههههههههه

  3. كاتب عديم القيمة….عديم المنهج….عديم الضمير….لا مبدأ له….أراد اوهكذا سولت له نفسه أنه يستطيع أن ينتقد قامة مثل البروفيسور شداد ..يا عزيزي انت أقل قامة من أن تعرض له خبر لانك ببساطة لا تملك اداة واحدة صالحة تمكنك من ذلك…. تعرضك لحميدتي كثير عليك …انت تحاول بطريقة متسخة دق اسفين داخل مجموعة شداد…ولعمري لا تستطيع أن تحرك شعرة في رأس اصغر عضو فيها…ببساطة هي مجموعة قوية متجانسة ونظيفة والأخيرة يفتقر لها أمثالكم.

  4. تشيلوا وتجيبوا لينا في القرف وكلام القوالات ياناس دلقونا فوق وتشبكوها لينا عااااااااااااااااااااااااجل !
    أسي وين أخبار فوز المنتخب الوطني بالمركز الثالث مع الوسخ والعفنة بتاعة إبليس وكليباته؟

  5. ان شاءالله ود عطا المنان البقول ليك اكتب كدا وماتكتب كدا .بدفع كويس

اضف رد

لن يتم نشر البريد الإلكتروني . الحقول المطلوبة مشار لها بـ *

*