الرئيسية / مقالات / الارباب يكتب اليوم الجمعة بعنوان سلِّم سلاحك يا أخوي

الارباب يكتب اليوم الجمعة بعنوان سلِّم سلاحك يا أخوي

الأستاذ صلاح الدين
المحترم
تحية طيبة
أرفق لكم قصيدة متواضعة عن السلام وتسليم السلاح وما يجري بأرجاء الوطن العزيز، في سياق اهتمامكم وإبداعكم وتناولكم الشفيف لقضايا الوطن وإنسانه ورفدكم للساحة الغنائية بالمضامين الجديدة، آملاً أن ينال نصي المتواضع منكم القبول.
مع الاحترام
مخلصكم
المكاشفي

مهما كتبنا وقلنا فيك
ما بنوفي قدرك يا وطن
نسأل عن البيك والعليك
بلسان فصيح ولسان رطن
نلقي الجواب خدَّر تِقِيك
وانهارنا بين ايديك جرن
نهواك وبالروح نفتديك
نقراك في السر والعلن

صوت السلاح ما بشبهك
شبهك هديل سرب الحمام
همس الكمنجات فوق ضفاف
ضو ينتشر يملا المسام
سلِّم سلاحك يا أخوي
وطنك بناديك لي السلام
ناداك ولابد تستجيب
أنسَ المرارات والخصام

في كل ربوعك ضاوي خير
في كُلْ شِبْر بينمو شوق
نحن بنحبك بالكتير
دايرين مكانك ديمة فوق
كم بي ظلالك نستجير
كُلْ ما الرياح عصفت عروق
ونقولا بالصوت الجهير
دايرين بلدنا خلاص تروق ري
صحراك وواديك والضفاف
تاريخ وجغرافيا وعِلِمْ
شعبك معلم ما بخاف
بي يوم سلامك كم حِلِم
ردد باسمك روح هتاف
من حرب من تدمير سِلِم
جددنا في آخر المطاف
تاريخ مأصل ما قِدِم
من حرب من تدمير سئم
نرجع نعيد آخر المطاف
تاريخ سلامنا الما قدم.

التعليق بواسطة فيس بوك

7 تعليقات

  1. أسي ده مقال ده يعني؟ ههههههههههههه
    جايب ليك قصيدة زول وتامي عليها سطرين عشان تحافظ علي حب الظهور ولاشنو؟
    الغرض مرض والمرض إبليس

  2. نص رائع .. نص يجسد تغلغل حب هذا الوطن الجريح فى قلب الشاعر .
    لك الله يا وطنى .. والله دايرين زي م قال المبدع حميد : اخير كركةً بتحفر تساوي تراقد الركام ، ام الدبابه البتكسح زعيق الموت الزؤام ؟

  3. هههههههههههههههه والله يا دلاقين الضحك بشرطكم اقعدو طبلو كده

  4. عصام ابو عمر الصديق

    من انت تصف الناس بالكلاب

اضف رد

لن يتم نشر البريد الإلكتروني . الحقول المطلوبة مشار لها بـ *

*