الرئيسية / مقالات / الارباب يكتب اليوم الجمعة بعنوان شندي.. الكاملين.. نيالا

الارباب يكتب اليوم الجمعة بعنوان شندي.. الكاملين.. نيالا

شندي.. الكاملين.. نيالا
“يا زول أخير ليك تخلي البتعمل فيهو ده وتجي تشتغل معاي.. عندي خطة إعلامية وأنت زولنا ياخ.. لازم تجي.. لكن خليني أسألك.. ناس معتصم ديل أصلو ما كانوا يوم من الأيام من ناسك.. وأنا بعرفك كويس.. الحكاية شنو”؟.
هذا هو الأخ سيف الكاملين يحاور الأخ الأستاذ أيمن كبوش، ويضيف الأخ سيف كلاما خطيرا معقبا على حديث الأخ الأستاذ كبوش، وهجومه، وانتقاده للأخ الفريق عبد الرحمن سر الختم.
“خليني أقول ليك حاجة ما عارفنها الناس.. وأنت ذاتك رغم تعدد مصادرك ما بتكون عارفا.. نحن مرشحنا الأصل اتفقنا عليهو هو صلاح إدريس.. والله كل الجهات الاشتغلت الشغل ده أجمعت عليهو، موضوعو في البداية كان مكلف بيهو أخونا محمد سيد أحمد بس يا كبوش زولكم اعتذر.. وموقفو اللاحق ذاتو فاجأنا.. نسوي شنو؟.




وأنا أزجي الشكر للأخ الأستاذ أيمن كبوش الذي روى هذه الرواية على لسان الأخ سيف الكاملين، والذي جاء بما فتح الله عليه به من معلومات، أتفق معه على بعضها، وأختلف معه على بعض آخر منها، ثم إنني أتبرع بإضافة بعض آخر مستعينا بالله ومستشهدا به وهو خير الشاهدين.
فمن داري بجدة، وفي موسم الحج قبل ثلاثة أعوام مضت كثرت لقاءاتنا، الدكتور جلال، والأخ محمد سيد أحمد، وحاتم ميرغني عبد الرحمن، وشخصي، وقد تمخضت عن تلك اللقاءات فكرة قيام تنظيم يهدف إلى التغيير والتطوير والنهوض بشأن الكرة السودانية على كل المستويات الإدارية والفنية، وقمت بدوري بإفهام الإخوة المجتمعين أنني سأطلع الأخ الأستاذ أسامة عطا المنان بما جرى؛ لأنني أعتقد أنه يمكن أن يكون إضافة للفكرة والتنظيم المتطلع للقيام بذلك الدور، وهناك أسماء أخرى طرحناها، واتفقنا عليها، وعزمنا على الحرص على السرية، وحصر حراكنا، ومعلوماته- ما استطعنا- في المعنيين به.
من ناحيتي أبلغت الأخ أسامة، وأبلغت بعضا آخر من نفر عزيز أحسب إنه مؤمن بالتغيير والتطوير والنهضة، ثم حل ما حل بي؛ مما أدخلني- أو على الأصح- أبعدني مما نوينا عمله.




ولله ثم لكم وللتأريخ فإن اسم الأخ سيف الدين الطيف لم يظهر في رادار عملنا ذاك، لكن هذا ليس بذي أهمية، أو ما يدعو إلى التعجب، أو رفض ظهوره هذه الأيام على كل قنوات الاهتمام بالشأن الكروي، وإن كنت أحسب عليه حصر نفسه وجهده ودوره في المصادمة العنيفة “وشيل وش” ما تعرفون.
ذكر هذا الذي ذكرت الأخ الأستاذ محمد سيد أحمد.. صحيح أن الصفوف قد تفرقت.. وهناك من يقول إن الأخ الفريق عبد الرحمن سر الختم قد أخذ موقعي في رئاسة التنظيم، وممن قالوا بهذا الأخ الأستاذ محمد سيد أحمد- نفسه- وأنا أنكر ذلك القول، وأتبرأ منه، فإن التغيير والتطوير والهضة أمر كبير، وهدف نبيل، وليس فيما تقدم لانتخابات الاتحاد ما اعتنى واهتم بهذه المحاور الكبيرة والخطيرة والعظيمة، والتي يعني الاهتمام بها ورشا وندوات وخطط ودراسات وكوادر مهنية مدربة ومؤمنة بهدف سهل المنال متى ما أعطي حقه من عمل وجهود واهتمام.
وأخيرا.. فإن الفيفا في الخرطوم تعمل عملها، وتباشر مسؤولياتها، وما زال ود عز الدين يعمل عمله، ويباشر هرجه ومرجه.. صحيح أنها ثورة لكنها ثورة خالد عز الدين.. إنها الثورة.. بالنص.. بالوادي أم بالشنقيطي، فأنا لا أدري.. من فيكم يدري؟.
وللشريف أسامة عطا المنان حسن أن يجلس القرفصاء كما يريد فهو بريء.. بريء.. بريء.. وإن قال مولانا خالد عز الدين بغير ذلك.. وفي الهدي النبوي الشريف إن من يرمي أخا بما ليس فيه فإنه يكون فيمن قال به.. فاتهام شخص بما ليس فيه جرم كبير.. وهذا للعلم.. للعلم فحسب.. لا يبرره ولا يخفف منه أن يكون هناك انتخابات أو ما إلى ذلك.. يا الأنت هناك.







COPY CODE SNIPPET

التعليق بواسطة فيس بوك

11 تعليق

  1. يا سلام إمتاع والله. هو معقول بالله المندحش كان معاك في التنظيم. شكرا وانت كل يوم تضيف لنا حقائق ومعلومات جديدة بهيدا عن الاسفاف.
    اما الموازنه الجدد ناس سالم العاطل هههه لن نرد عليه حتي يصبح رجلا

  2. لا تنه عن خلق وتاتي مثله عار عليك اذا فعلت عظيم ( حلوه إتهام شخص بما ليس فيه جرم كبير ) طيب يا شيخ صلاح كل الناس بتقول ما ليس فيهم هذا يعني انك ……

  3. ههههههههههه البسمع كلامك ده يقول حايم بحرية علي شواطئ جدة وبتشم في هواء (الحرية) العليل !!!!
    بس إنت يامسكين محبوس وممنوع من مغادرة جدة وماعندك طريقة حتي للرجعة لي امبدة
    الصحفي الكضاب كان عاوز ياكل عيش ويطبل ليك، بس إنت كسرت بي خاطره ، والظاهر إنو ماعندك حاجة تديها ليهو عشان يواصل في كسير التلج في نهار شهر رمضان
    دايماً بتمسك في القضايا الميتة، وشغال تتنطط من قضية لي قضية بدون هدي ولاتركيز، وده إن دل إنما يدل علي الربكة والتخبط المسيطرين عليك وخلوك تفرفر شمال ويمين
    الإتحاد لو في انتخابات زي مابيقولوا لو ربنا أحياينا حاتكون في شهر 10 الجايي، فك البعيد وتعال راجع لينا للقريب وورينا حاتعمل شنو في انتخابات مجلس الهلال الفضل ليها أقل من شهر؟ تعال ورينا الفصاحة والجعجعة بتاعتك المليت بيها الدنيا، ونؤكد ليك إنك حاتتغلب غلب ويتمسح بي كرامتك الواطة ومافي زول حايصوت ليك إلا عينة الصحفي الأحرجته ده وخليت وشه زي السمسمة، ده طبعاً لو ناس طال عمرك أطلقوا سراحك وقدرت تجي راجع السودان ههههههههههههههههه

  4. يا صلاح انت مصيبتك انك تظن بانك وحيد زمانك وانك كامل ومبرأ من كل عيب وتظن بان ذاكرة القارئ الكريم خربة.
    عندي لك سؤال واحد:
    من غيرك يرمي الآخرين بما ليس فيهم؟

  5. تخاريف مفلس مدعي مكابر فارغ المحتوي .الشريف اسامه ههههههههه والله لو هو بعيد منك وناديته ب اسامه الشريف مابتلفت ليك اسامه حرامي وفاسد ومختلس واستاذ مين وهو كان المراسله بتاع شداد والله إنته متلون ومنافق وعديم ضمير .حسبي الله ونعم الوكيل فيك وفي شلة اللصوص والارقوز الذي زكرت الله يقطع دابركم ويريحنا منكم بحق لا إله إلا الله وهذا الشهر الكريم .

  6. بعدين إستحي يفترض إنك راجل .مباري قلنا وقالو ياخ الحريم خلوها والله كتاباتك تثير الغثيان وتقرف خساره والله

  7. يطمع كبوش في ريالاتك التي سالت له ريالته مدحاً لشخصكم أحياناً وامدادكم ببعض (الشمارات) الحارة التي يحتفي بها ود المك أيما إحتفاء أحياناً أخرى فهلا أرسلت له المعلوم بعد هذا الإحتفاء و (البوبار) .
    ود المك عشقك للشمار والبوبار يجعلك مثل (بنات حواء)

  8. خالد عزالدين اشرف منك وانت كبش بتاعك ياابليس

  9. كضاب كضاب كضاب كضاب كضاب كضاب كضاب كضاب كضاب كضاب كضاب كضاب كضاب كضاب كضاب كضاب كضاب كضاب

  10. مسجون جدة موت

اضف رد

لن يتم نشر البريد الإلكتروني . الحقول المطلوبة مشار لها بـ *

*