اخر الاخبار
الرئيسية / مقالات / الارباب يكتب همس الضفاف اليوم الاربعاء

الارباب يكتب همس الضفاف اليوم الاربعاء

السلام عليكم ورحمة الله وبركاته ان احب الله عبدا واراد ان يثقل موازينة شغل به ألسن الخلق واكسبه مليارات الحسنات فهنيا لك بصرف النظر عن صحة الخبر من عدمه لله درك حبيبي ابا احمد)
صياح الخير انا حنان
اثلجت الرسالة الأولي صدي واسعدت قلبي وجعلتني أحلق في فضاءات رحيبة ..فقد عرف الرجل واحدة من اهم مضامين ذلك الخبر الذي سارعت بنفيه.. فيما يعنيني ومازلت أتلقي الرسايل مهنيه ومباركة في لفتة لا يمكن ان تعني غير ما احظي به عند هذا النفر الغفير والكثير، والسؤال لله عزوجل بان يديم الاخاء والمعروف والمحبة




ااما الغريب فان واحدا من احبابي قد عاب علي ذكر الحكم الذي كنت قد حصلت عليه وقضي بصلح بيني وورثة الاخ الشيخ خالد بن محفوظ يرحمه الله ،وحصولي علي ارض عرض علي مبلغ مائة وخمسة وسبعون مليون دولار أمريكي … سالت صاحبي لماذا يعترض علي ذلك ؟؟
حدق الصديق في … ثم زاد تحديقا .. ثم قال ياخي شيخ خالد بن محفوظ ما كان تشتكي أولاده مع ما كأن من علاقة بينكم ، وتاني حتي لو اشتكيتهم مافي داعي تذكر ده وثالثا هو انت ناقص كلام وحسد وبكرة ستين واحد و واحدة يكذبوك ؟؟
ابتسمت وقلت له ؛- ننس كلامك ده كلو الا واحدة .. ود المقنعة البكذبني ده منو .. الواحدة خليها كان الدنيا دي كلها صدقت هي بس … او هي ورفيقها حتكذب ،، وحيكذب .. ما عليك بيهم … هوا ..هوا ..هوا ساكت بس قول لي ولا خليك .. لأمن يكذبوا وقتها اسألهم سؤال واحد ، وعبثا ضاعت محاولات صاحبي لمعرفة السؤال
اما الرسالة الثانية فقد طار معها وعلي وقع اثارها علي قلبي، وكاد ينفطر يا لتلك الأيام الرائعه ويا لهذا العالم العجيب الغريب الصغير دعوني أوضح لكم أمرا حتي اعود ثانية ، لقد بترت شيئا من هذه الرساله التي لا أقول عنها هذه اللحظة اكثر من ذلك
الجمعية كانت صحيحة ميه ميه كل أهل الهلال جو وانتو شفتوهم أدلو باصواتهم انتهي الفرز ويقاطعه المذيع قبل الفرز ،، قاطعه المذيع متسائلا عن ان الميزانية قد أجيزت بأسرع وتيره في تاريخ الهلال فماذا قال الكاردينال :-
هو شوف انا ما بقدر أقول ليك انا ما عندي تأثير في الميزانية دي ،، انا قاعد في المنصة وانا ذاتو فوجئت ، اولا سعادة اللواء عصام كرار كان الكلام واضح يعني في الميزانية انا ذهلت من بنودها وفِي مسائلها وكدا فتحنا باب المناقشة ناس قاموا قالوا نجيز الميزانية ،قام واحد ثناهو ،ولما المفوضية سألت شعب الهلال اللهو المعني بالميزانية ،يجيزا ولا ما يجيزا عندو فيها ملاحظة ،قال أجيزت واجزناها واجزناها




نقول ليهم لا ما تجيزوها ،بعدين الميزانية ذاتا 90% او ٩٥ % هبة هبه من رئيس نادي الهلال للهلال ال 5% الدخل البسيط من المباريات ، والجانا من الاتحاد الأفريقي تاني مافي، شعب الهلال شعب واعي وشعب عارف يعني ما عايزين يحرجوا رئيسهم ويناقشو ميزانية هم عارفين إنّو هو دافعها ،ده ما أدب الهلال البتكلم عنو عارفين رئيسهم هو دافع القروش ،نحن نناقشو في شنو ، انت شوف القوة كان كيف أجزناها أجزناها نسوان علي رجال بصوت واحد فياخي مسالة الميزانية والميزانية السابقة خليني ارجع ليك للكلام السابق، وبص الهلال جابوه بثلاثة مليارات ياخي انا جبتو هدية مابي ثلاثة مليارات بي خمسة مليارات انا ده جبتو هدية لنادي الهلال وقلت البص ده بي خمسة مليارات دايرين ترهنو ..ولا دايرين تبيعو ..ولا دايرين نقول للهلال اديني ليهو البص قالو مدفوعة فيهو الجمارك ونقيق هنا
ومالم يقله الاستاذ المذيع ان هذه الميزانية التي أجيزت ليس في وقت قياسي ولكن أجيزت بصورة بلدية وعشوائية لا تشبة الا الكاردينال ،فإذا كانت هذه الميزانية واحدة مما قدم حولها اهم طعن .. اهم طعن لانه الطعن الوحيد الذي لعبت فيه ماسورة المفوضية دورها والطعن الوحيد الذي رفض لانتهاء وقت الطعون وهههههههه ، ولو كان الكاردينال راشدا وحريصا علي سمعتة لترك باب النقاش مفتوحا علي مصراعية وميزانية يقول عنها رئيس مجلس الادارة وانا ذاتو فوجئت اولا سعادة اللواء عصام كرار كأن كلامو واضح يعني حتي الميزانية انا ذهلت في بنودها وفِي مسائلها وكدا يا كردنة دي ميزانية مطبوخة ومحروقة ولسه المحكمة حتيين العجائب








COPY CODE SNIPPET

التعليق بواسطة فيس بوك

5 تعليقات

  1. يا ساده يا افاضل لو فهمنا صاح فإن تعبير ستين واحد وواحده يقصد به ستين رجل وإمره .. وليس ستين رجل + مرة واحدة .. لكن صلاح ادريس فهمه ستين رجل وفاطمة الصادق وطوالى عرج عليها وصاحبها .. يعنى هو على الهبشه .. فاطمة الصادق دى عملت ليه منخوليا هههه.
    ودى ذكرتنى الشايقى القالوا خلى شراب الشاى للابد .. أها قام من الصباح يهضرب ويقول : اها الساعة تمانيه والله عدم شراب الشاى ما سوى لى حاجه .. اها الساعة 9 .. وبرضه ولا حاجه ..اها فطرت وما سوى لى شئ ..
    واحد من اصحابه شعر بجرسة اخونا وقريفته للشاى .. قام قال ليه :
    ها فلان إت عدم شراب الشاى قالولك بكتل .. ما بكتل لكن بسوى للزول زى البتسوى فيع ده من الصباح .
    أها فاطمه الصادق زى الشاى بالنسبة لصلاح ادريس .. تخليه يشلوط كده .
    لاحظو صلاح ادريس لم يجاوب على تساؤلات صديقه فى انه ما كان يشتكى اولاد ابن محفوظ ولى نعمته وحتى لو اشتكاهم ما كان ينشر على الملأ وذلك للعلاقة مع والدهم وبهم .. لكن صلاح مسك فى 60 واحد وواحده .. واريت الزول ما قال كلمة واحده شب فى فاطمه الصادق وعرج على حبيب الملايين الكاردينال والميزانية ..
    نحن فى انتظار الاجابه على التساؤلين الاولين يا صلاح ..
    صلاح ادريس .. ياخى اختشى

  2. أووووووووووووووووع
    عووووووووووووووووووووووع
    عووووووووووووووووووووووووووع

  3. امش ادعم نسيبك الوالوالي وخلي الهلال في ماهو عليه

  4. الصادق مصطفى الشيخ2

    الارباب بقى يلخبط قبل فترة ذكر ان محبسه بالسعودية وليس محبس الجن بمكة والاخيرة من عندى لاعلاقة له بخالد بن محفوظ وهى خاصة باراضى توسعة الحرم واليوم يؤكد ما نفاه مسبقا
    لا علينا فالامر شخصى بحت يتوجب ذكره وفلفلته اذا ترشح لاىمنصب عام مثلما يفعل هو مع الكاردينال اليوم

اضف رد

لن يتم نشر البريد الإلكتروني . الحقول المطلوبة مشار لها بـ *

*