الرئيسية / مقالات / الارباب يكشف محاولات الكادرينال لـ (التصالح) معه ويكتب بعنوان ولا حاجة

الارباب يكشف محاولات الكادرينال لـ (التصالح) معه ويكتب بعنوان ولا حاجة

ولا حاجة
ذكرت قبل ايام بان محاولات واعيد القول مكررا محاولات الكاردينال للتقارب معي ، ان لم نقل التصالح ، قد كانت اثنتين واضيف هنا بان تلك المحاولتين قد كانتا هما المعلنتين وربما بل المؤكد ان محاولات اخري قد قامت واسرعت تجري علي المدرج runway دون ان يكتب لها الاقلاع لتطير
المحاولة
ولا استطيع او استسيغ ان اسمها مبادرة .. المحاولة الاولي قد كانت عبر احد اعضاء مجلسه ، ولا استطيع كذلك ان اسميه مجلس الهلال فالهلال براءه ، وبعيد والله عن هذين المجلسين فربما كان في المجلس بعض الاخوة والاخوات ممن يملاهم حب الهلال والرغبة الصادقة لخدمته والذود عن حياضه والعمل علي تحقيق اماله ، وامال وطموحات الامة الهلالية جمعاء في ان تري هلالها شامخا باذخا وسامقا يسر كل الناظرين
جاءت المحاولة المباشرة الاولي في بدايات عمر مجلس الكاردينال الاول وقابلتها بعدم الحماسة لها مما اغري ذلك العضو بحماسه وعزم واصرار ظنا منه بان عدم رفضي يغري بمواصلة الحوار ..وظن العضو المحترم بان عدم حماسي او ترددي في القبول ربما جاء نتيجة احتقانات وردود افعال لما صاحب المعركة الانتخابية من ملاسنات خرج الكاردينال فيما كنت وما زلت اقول ، عن النص وادب ومثل الهلال
لكن حقيقة الامر قد كانت مختلفة اذ ان ما دفعني للترشح في الاساس هو قفل الطريق امام هذا الذي اتي للهلال حسب فهمي وتقديري دون ادني مؤهلات العضوية العادية ولم اكن وقتها قد عرفت الاسباب الحقيقية وراء مقدمة للهلال والتي عرفتها بعد ذلك من اكثر من جهة لصيقة او كانت لصيقة به واثق الان ، واقول بكل صدق وقوة ان الاسباب الاساسية التي عرفها اولئك اللصيقون بالكاردينال وذكروها لي قد زادت واكتسبت اسبابا جديدة معها
انتهيت مع ذلك العضو ، الي رفض تام وكامل لأي تقارب ناهيك عن تصالح مع الكاردينال مؤكدا لذلك العضو بانني اعرف كيف اتواصل واتفاعل مع الشأن الهلالي ولي من الارضية والمعينات والاساليب ما يجعل كل ما اريد تقويمه للهلال متاحا وممكنا
وقبل ان ابرح هذه المحطة فان نقطة هامة تفرض نفسها علي قلمي ومساحتي هذه اذ ان واحدا من اكثر الناس صدقا وقدرة علي تحريك الاحداث في الهلال لما له مما له مما ليس لغيره وفي واحده من مرات تواصله الكبير قد فاجأني بعرض يسيل له لعاب غيري
س وص علي رغبة حقيقية واستعداد تام لدعمك في الانتخابات فسالته ينم عن حركة فرك العنيين دهشة (س) و(ص) ؟ فأجابني بإيجاب قاطع فقلت له بصورة اكثر حسما وقطعا ..الهلال البيجوني ليهو ناس (س) و(ص) ديل انا ما دايرو
المحاولة الثانية كانت اكثر افتضاحا ففي انتخابات الاتحاد العام الاخيرة كان لي موقف فيها واضح بلا مداراة او مواربة وقد دفعني ذلك الموقف للتواصل مع اخي وابن عمي وعمتي سعد العمدة بصفته الرسمية والمعلنة في مجموعة البروف شداد ..تواصل بعد سنوات لا ادري ان كانت خمسا او اربعا وانتهز سعد العمدة الفرصة ليحدثني عن رغبة الكاردينال في تصفية ما بيننا وكيف انه قد سأله والح في السؤال للعمدة ..ياخ ود عمك مالو معاي شايلة معاي تقيله كدا .. ماعارفو مالو معاي مع اني انا لا بينا شغل نقول اختلفنا عليه ولا أي حاجة ..غدا بمشيئة الله اقول لكم ما قلته لابن عمي وعمتي سعد العمدة ود العمدة ولكن قبل ذلك اقول لكم بان كلام الكاردينال الذي نقله لي سعد قد ذكرني بما كنت قد اجبت به علي سؤال الاخ الاستاذ الكبير ضياء الدين بلال في حواره معي في قناة سودانية 24 وهو يسالني في رساله او (رأي) للكاردينال فأجبت بعفوية وتلقائية مطلقتين ولا حاجة …الان وفي كل وقت اشعر بانني قد كنت محقا بدرجة عالية وكبيرة ..فعلا ولا حاجة
اجتمع جماعة ود حسب الرسول في الدعوة التي اقامها الخليفة مختار نائب ود حسب الرسول احتفاء بممثلي روابط اهل الهلال الخارجية وقد جاء في ذلك اللقاء الحديث الصادق والمعبر عن حالة الهلال ..جاء به نائب الرئيس سعد العمدة …حدث ذلك في مساء الثلاثاء ان لم اكن مخطئا وكان حديث سعد مثار اهتمام كبير وتم تناوله وتداوله علي نطاق واسع واسع واسع بل ان التداول المثير قد كان في ذات اللقاء قبولا ورفضا وكانت الاجواء تسير عادية …مع بعض المطبات نتيجة منخفض اسياد الجوي
في صبيحة السبت التالي وبعد اربعة ايام من صمت كاردينالي مطبق او نهار السبت كتبت مشيدا ومعلقا علي ما قاله العمدة من صادق القول وصحيح القراءة للواقع الهلالي فكانت المفاجأة بيان مجلس الكاردينال عصر السبت يقول بان المجلس بحث شأن تصريحات سعد العمدة وقرر بالتمرير كذا وكذا
ايقاف لحين مقابلة مجلس التحقيق لاحظا مجلس تحقيق هذه وعزله من مهامه الإشراقية علي الروابط الي الخ
هل منكم من سال مجلس الكاردينال لماذا تأخرت ردة فعل الكاردينال لأربعة أيام ؟؟ هل منكم من سال لماذا تأخر اصدار البيان لما يقارب الاربعة وعشرون ساعه في وقت تعودنا الصفحة ديل جاهزة للسبق في الاعلان ؟؟؟ هل منكم من سال ما علاقة هذا القرار بما نشره الارباب ؟؟واسئلة كثيرة واللبيب يفهم
بالله مش ولا حاجة فعلا

التعليق بواسطة فيس بوك

20 تعليق

  1. صلاح ادريس بقيت زي المره المطلقه ، تلوك وتعجن وتعيد في الكلام ، هو لا يعيرك التفاته حالياً ، ولا جمهور الهلال يعيرك التفاته أيضاً ،
    أترك رئس الهلال وشأنه ، واتفرغ انت الي قضاياك ،، عسي ولعل تخرج منها بالسلامه .

  2. الكاردينال اتصل بي ، والكاردينال قالي ، والكاردينال رسلي فلان وفلانه …. الخ . ما ترجل يا زول وتصلب عودك . ماذا يستفيد القاري من هذا الهراء وكلام المطلقات والمشاطاط .

  3. ياخي اسلوب الكتابه زاتو بشبه الهلال
    لله درك ياارباب

  4. (يا امي الله يسلمك) الم تبشر وتهدد بان الكاردينال
    لم يترشح لرئاسة الهلال ؟ الم تعلن اعتزالك الكتاب؟
    وتعود باسباب واهيه فلان حنسي فلتكان باسني
    (وهنايه) كتبت لي فهل صدقت حتي نصدقك يا
    (مستر تمورووو)؟
    فهل تريد ان تقول ان الكاردينال سعي
    الي التصالح معك لانه يهابك او يهاب قلمك(المكسور)
    فلماذا يهاب الكاردينال من ترشح مرتين وهل في
    المركز الطيش اما عن قلمك فلديك اربعه سنوات
    من (النبيح) المتواصل فهل ابعدت الكاردينال من
    الرئاسة وسوف تتبعها اربع سنوات اخري فعندما
    يكون الشخص مريض نفسي فانه يدعي بطولات
    وهميه …… ولا حاجه فعلا

  5. الأرباب قلم هلالي مصادم نفتخر و نعتز به كثيرا .

    • مصادم بتاع ماذا….دى بقي مثل الكلب السغران ماسك ليهو في موضوع مكرر زاصبح ممل للقارى…المشكله مسجون في تزوير وعفن ويتكلم عن التزوير

  6. شبيرو الكينغ

    صلاح ادريس انت ولا حاجة

  7. عووووووووووووووووووووووووووع
    أعوذ بالله من غضب الله والفتن وإثارة القلاقل في يوم الجمعة المباركة، وده طبعاً ماغريب علي طبايع إبليس اللعين المتوك بي أصفاد ناس سيدي طال عمرك ومحبوس حبسة كديسة في المطبخ
    غايتو الجعليين ماعندهم رجال خايبين بالصورة دي ياشايب يا عايب يالعين
    والله ياها ذاتها شغلة النسوان المتخاصمات ونسنستهن وفلانة ديكمخاصماني وماجاتني في وفاة أبوي وماجات لي طهور أولادي، عشان كدة عرفنا ليه كردنة فاكي لإبليس اللعين بنت الصادق عشان تنشر غسيله هههههههههههههههه
    كل ما الأزمة الإقتصادية تستفحل في السودان، كليبات إبليس من نوعية بلحة المتلون العرص الموضوع بيسخن معاها وبتصعد من حملة تكسير التلج، العيشة بقت بي جنية والسكر مابنهبش والحالة بطالة ! أنجدهم سريع يا إبليس وأغويهم بي خمسين ريال يقابلوا بيها شظف العيش عشان ماينهاروا وتلقي الميس فاضي من مكسراتية التلج وحارقي البخور ههههههههههههههههههه

  8. ( ولا حاجه) قال شوفوا الكذب ده وهو كل يوم يكتب مقال عن كردنه وبرضه يقول عنه ولا حاجه ..هى الحاجه دى كيف يعنى ..

    ونحن بنقول ليك كمان من الآهر هلال فيه س (سعد العمده ) + ص ( صلاح ادريس ) نحن ذاتو ما ديرنه ..أها شن قولك

  9. يا صلاح إدريس أعصر على أهلي شندي شدييييييد ، الكاردينال دا سيل الوادي المنحدر ، نوع كتاباتك وكليباتكديل لا تجدي نغعاً من الإعصار الكاردينال ….. أقول قولة ، لو أتفكيت من الكاردينال البفكك من ناس طال عمرك وصاحب السمو شنو ؟؟؟؟ الصبر الصبر يا صلاح إدريس …. سمع نصيحتي أعصر على أهلي شندي شديد ، الهلال دا فخر الكرة السودانية والأفريقية قاهر الكبار لا يمكن الوصول إليه حاليا …. أيها الهلالاب الشرفاء أنت في القلب .

  10. اخونا المر
    – انت مابتعرف الاسلوب من الاسلوب –
    كدي اشرح لي جملتك دي لانها ركيكه

    وانت قلت الطيور علي اشكالها تقع وبما اني صراحه بعتز بي نفسي بس لو المقصود بالطيره الارباب ده شرف لي والله اني اكون علي شاكلته

    الارباب ياالمر بصرف النظر عن الاختلاف حوله كاتب متمكن جدا ومن الكتاب الشويه البعرفو يكتبو بطريقه بتخلي القاري متشوق للقرايه رضيت ولا ابيت
    مع خالص ودي

    كسره :
    الناس البعلقو باعتبارو ده اكل عيشوم مابنرد عليهوم
    بنخليهم يترزقو البلد بقت غاليه
    والعيشه بقت بجنيه ههههه
    بنخليهم يترزقو وهم سالميييين هههههههه

  11. صاحب العكليت

    أي زول بيفتكر الأرباب عندو علاقة بالكتابة ديل بأهم ذااااااااتهم الكانوا بيسقطوا إملاء وإنشاء … وصراحة الما شاف البحر بتخلعوا الترعة ، الأرباب لم يكن يوماً من أصحاب القلم المبدع السيَّال

  12. دا مجتمع رياضي والموضوع موضوع كورة قدم وماعايزه ليها اسلوب وتنميق الجميل العايز يكتب باسلوب يكتب في الادب والشعر والقصه
    يا ابليس حتقعد عمرك كلو تنبح وتفقد اراضيك عند جمهور الهلال
    انت زول مافيك خير وماعايز الخير للهلال كمان الكاردينال عمل طفره تتكتب بحروف من نور في قلوب جمهور الهلال والبدخل قلب جمهور الهلال ما بطلع الا يعمل زي عمايلك دي
    الله يهديك الله يهديك

  13. الاديب الاريب الارباب كفيت ووفيت
    انت خطير
    و يا كرادنه زولكم ده ولا حاجه ههههههههه
    اديهو ي ارباب

  14. يا شيخ اتقى الله انت منو عشان يهابك او يطلب منك مصالحة انت أصبحت كرت محروق فى نظر الهلالاب الكردنال اسبت وجوده بافعاله ونال رضاء كل الاهله ويستحق ان يكون رئيس نادى الهلال بدون منازع

  15. يا ود الفكى الأديب حقك دا أدبه معانا ما مخارج كردنه وبس بلاش قله أدب

اضف رد

لن يتم نشر البريد الإلكتروني . الحقول المطلوبة مشار لها بـ *

*