الرئيسية / مقالات / الي ان نلتقي قسم خالد اين الشفافية التي تتحدثون عنها ؟؟

الي ان نلتقي قسم خالد اين الشفافية التي تتحدثون عنها ؟؟

اين الشفافية التي تتحدثون عنها ؟؟

صلبوا اجنحة الطير

وباعوا الموتى والاكفان

قطعوا اوردة العدل

ونصبوا (سيركا) للطغيان

في هذا الزمن المجنون

اما ان تغدوا دجالا

او تصبح بئرا للاحزان

لا تفتح بابك للفيران كي يبقى فيك الانسان !

ورجعت وحدي في الطريق

الياس فوق مقاعد الاحزان

دعوني الي اللحن الحزين

وذهبت انت وعشت وحدي ..كالسجين

هذه سنسن العمر ضاعت

وانتهى حلم السنين

و.. جويده . ينثر ادبا رفيعا.. فيه تنزاح الهموم .. ومعه نحلق في براحات الامل الموعود .. ونقرأ .. ثم نقرأ كلمات (انشائية) يجيدون استخدمها .. كلمات تقرأ فقط وتستهلك ولكن لا احدا بمقدوره ان يعمل بها .. هي قصة طويلة .. يحدثونك عن (الشفافية) .. وعن محاربة الفساد والعمل على تقديم المفسدين للقضاء .. تلك الجملة الاخيرة خفت بريقها الان .. اتدرون لماذا لانهم كانوا يستخدمونها ليصلون .. والان قد وصلوا ولم يجدوا شئيا مما ظلوا يقولون .. وبقيت (الشفافية) كلمة متدوالة وباتت لها سوقا ورواج .. الكل وممن ينتمي لتلك المجموعة يلاقيك يحدثك عن الشفافية .. يحدثك عن العمل من اجل الكرة السودانية والتجرد وما شابه تلك الكلمات التي ظللوا (يتاجرون) الي ان يصلوا الي مبتغاهم والان ازفت الساعة وكان الهروب هو الملاذ ..!

اعلنوا عن اجتماع للجنة المسابقات .. نوه له من قبل .. حددوا الاجندة .. وخروجوا علينا عبر الصحف والمحطات التلفزيونية والاذاعية يؤكدون بل يجزمون ان الاثنين (امس ) موعدا نهائيا للفصل في كافة الشكاوي التي ورثوها عن الاتحاد السابق .. لكن للاسف الشديد ضاعت الاماني وباتوا يبحثون عن (الهروب) نعم هربوا من الفصل في تلك القضايا .. حجتهم في ذلك (مزيدا من لاطلاع على الاوراق) وحجتهم ايضا (مزيدا من الفحص) ..!

لكل صاحب بصر وبصيرة يدك تماما انهم وفي اعقاب (الحملة الحمراء) عليهم ونعتهم بانهم (لجنة المسابقات الزرقاء) ارادوا ان يثبتوا العكس وكأن الانتماء الرياضي سبة في الوجوه ..!

الغربال لا يحجب الحقائق ولا يضاري الوجوه .. والانتماء للهلال لا يعد عيبا .. لكن العيب كل العيب ان تهرب من الفصل في قضايا واضحة ولا تحتاج الي مزيدا من تقصي الحقائق .. الحقيقة تقول يا معشر الاهلة الكرام ويا من تعتقدون ان هولاء اهلة يهابون الاقلام الحمراء .. بل يترجفون منها ويسعون على الدوام انكار تلك الصبغة الزرقاء .. الامر الذي يهم الهلال الان قضية (باسكال) والشكوى المقدمة من هلال كادوقلي ضد هذا اللاعب الذي تم قيده كلاعب وطنى مع ان الحقيقة انه لحظة قيده بالمريخ لم يحمل الهوية السودانية وبعد القيد استخرج المريخ الاوراق التي تؤكد سودانية اللاعب .. ربما يقول البعض ان هذا الاجراء قام به الاتحاد السابق الذي تراسه الاخ معتصم جعفر ولهولاء نؤكد ان الاتحاد السابق اخطاء ولجنة تسجيلاته اخطأت فما العيب ان يعالج اتحاد شداد خطاء الاتحاد السابق ؟؟ الم يدوشوا رؤسنا بالشفافية والعدل ابان حملتهم الانتخابية ؟؟ الم ياتوا بشداد من اجل معالجة مثل هذه الاخطاء ؟؟

اخيرا اخيرا ..!

الحقيقة تقول ان لجنة (الفاتح بانيه) ليس بمقدورها ان تصدر قرارا الان تلك هي الحقيقة لانهم على يقين تام ان رفضهم للامر ربما يدفع الفريق المتضرر باللجؤ للجنة الاستئنافات .. والعقبة التي تواجههم الان انهم اعلنوا للكافة ان الثلاثين من نوفمبر الجاري هو الموعد المحدد لنهاية الموسم الرياضي وبالتالي لن يفصلوا في تلك القضية وحتى وان فصلوا فيها فلن يكسب الهلال كادوقلي القضية وهنا اس الازمة !

وهناك شكوى هلال الامة ضد الاهلي العطبراوي .. والعديد من الشكاوي المعلقة .. فاين الشفافية ايها السادة الاكابرة !

هل هي الشفافية والعدل الذي طالب بها نائب رئيس المجلس فانتهره شداد ووصفه بوصف لا يمكن لنا ان نكتبه احتراما للرجل واحتراما للدرجة العلمية التي يحملها واحتراما للرتبة التي يحملها على كتفيه !

الحقيقة التي يهرب منها اتحاد شداد انهم على قناعة تامة بضعف قدراتهم الادارية مع احترامنا لمقامتهم الرفيعة .. بروف جلال .. حميدتي .. ومامون بشاره هم وحدهم من يمتلكون الخبرات والقدرات الادارية التي تؤهلهم لحسم تلك الملفات الشائكة .. اما البقية فانهم لن يفعلوا شئيا الا عندما يقرر شداد ..!

اخيرا جدا ..!

ومحدثي يكشف لي حقيقة ما حدث في اول الاجتماعات اتحاد شداد لم يرتفع حاجب الدهشة عندي .. اتدرون لماذا لانني على علم ويقين وثقة تامة ان شداد عندما وافق على الترشح مع تلك المجموعة كان على علم تام انه بمقدوره ان يتحكم فيهم وفي قراراتهم وفي كل الاجتماعات بالطريقة التي يردي .. اتدرون لماذا لانهم (مبهرون ) به وبشخصيته .. وهم على قناعة تامة بانه منقذ العناية الالهية جاء لينقذ الكرة السودانية من وهدتها التي تعيش فيها لذا فهم على استعداد تام ليتحملوا استفزاه المتواصل لهم .. وهذا الاستفزاز بدأ من اول الاجتماعات التي تراسها شداد ولم تكن لهم ردة فعل غير الابتسامات !

اذهبوا فانتم الطلقاء

التعليق بواسطة فيس بوك

9 تعليقات

  1. ورجعت حليمه تاني

    لماذا لم يحسم إتحادك الهمام من قبل هذه الشكاوي (أكثر من 7 أشهر ولم تحسم) فما بالك بإتحاد لم يتعدي الشهر منذ إنتخابة وبدأ في الفصل في الشكاوي.
    ثم شكوي الهلال في الأمل نأمل تصحيح المعلومة.

    حتي الآن لم تستفق من الصدمه بذهاب أسامه وشلته

    إذهب فأنت من الطلقاء.

  2. يااخي اختشي الشكاوي دي لو كانت واضحة ليه الاتحاد السابق ما حسمها الاحاد الجديد لم يكمل اسبوعين ونظر في الشكاوي بعدين من انت عشان تحكم علي الناس والكل عارف موقفك ده من شداد اسبابه شتو عشان تاني مافي 00000وانت اعلم بالباقي يااخي الكاردينال انت الاشادة الكتبتها عنه لانو ساند التطوير اول زول انبرش وزار شداد في بيته انصحك شوف ليك موضوع تاني لانو نع شداد ايامك راحت

  3. سائق الفيات

    عزيزي قسم تحياتي أقول لك بكل احترام لشخصك
    ان كل الشكاوي رفضت ماعلي المتضرر أن يستتانف اذا فملا أنه متضرر من قرار اللجنه وبذلك رأينا بأم أعيننا مادار من قرارت لجنة الاستئنافات وكانت الشفافية حاضره ياقسم لأول مره في تاريخ الاتحاد العام مثل ماراينا الشفافيه وام الشفافية في عهد شداد

  4. (الغربال) لا يحجب الحقائق ولا يضاري الوجوه

    (الغربال) بات عقدة تتملّككم لتنائيّاته ونجاحاته
    أظهر الحقائق وأبرز الوجوه وللأسف أنت أوّلها
    أنتم حملان وغزلان عندما تظلمون وتأذون المرّيخ
    وتنقلبون سباعا وذئابا وقتما ينتصر المريخ وينال حقوقه
    قسما أنّني فجعت فيك وأحسست بخطأ رؤاي عنك

  5. علي قول اخونا سالم
    وبالجد كده ده الحسيتو
    عوووووووووووووووع
    علييييك الله اخجل ياخ اخجل ياخ
    ياخي شكاوي ليها ميه سنه قاعده
    سوال :
    صاحبك اسامه واتحادو الواقف معاهو انت الشكاوي دي ماكانت قاااااعده من زمنوم ماااالك ماسالت منها
    ومااااالك ماانتقدتهم وقلت ليهم انتو غلط
    داير تجي هسي تنتقد الماعدو خمستاشر يوم ديل
    هسي انت صحفي عليك الله
    انت قايلنا نحن طير يازول ولا شنو
    ميه مره قلنا ليكم احترمو نوافيخنا دي ياخ
    بالمناسبه انا هلالابي والله وكنت بحترمك بس للاسف لقيتك مشجع ساي

    شفتا الزيك ده هو المخلي البلد دي في الكوره تمشي لي قدام

    قوم لف ياخ

  6. حقيقي مشكله البلد دي وفي كل المجالات اي زول بتكلم حسب مصلحتو
    يعني جنس قسم ده زول من الله خلقنا لقيناهو قاعد في الصحافه الرياضيه دي مشا صاحبو اسامه عايز ينتقد الزول الجا محل صاحبو عشان صاحبو يتكيف منو
    ومصلحه البلد مافي زول شغال بيها الشغله
    ياخي انت زول صحفي خليك زول امين وزول نزيهو الصاح قول صاح والغلط قول غلط
    بس ياخوي وقعت في شر اعمالك وانكشفت علي حقيقتك بي مقالك ده
    كان تنتقد في حاجه غير دي ياخي دي صاحبك سبعه شهور ماحلاها داير ديل يحلوها وهم لسه ماقعدو سمح
    ماستخرتا صراحه
    ياكافي البلا خبره ساي تختار بيها انتقادك ماعندك
    الزمن ده كلو قاعد ف الصحافه الرياضيه بترمي طاعميه ولا شنو !?
    شوفتو عشان الجنس قسم ده وزيو كتاااااار خلينا نشتري جرايد رياضيه زاتو

    يازول بنعرف الصاح وبنعرف الغلط ماتخمنا ساي
    يااكتب بمهنيه وبطريقه تحترم عقولنا ياشوف ليك شغله تانيه

  7. يا قسم خالد كنا نظن من الأخيار الذين يعدلون ولو على أنفسهم
    قل لى بربك ألم يسجل الهلال سيدى بيه كمواطن قبل أن يحصل
    على الجنسية بستة أشهر بالتمام والكمال وقدمت فيه الشكاوى
    لا أريد أن أسألك عن القرار ولكن دلني على تعليق منصف منك
    وانت تحمل هذه الرسالة لتوجيه الرأى العام

  8. اها نسيت حكاية ال 88 نقطة ؟؟

    ياخى انت كج ثم كج ثم كج

    عارفك من ما تصرح يا غليتنا قدام الدلاقين يا طيرت مننا بطوولة

    اذهب ياخى فانت من الطلقاء عامل كيسك الفااااااااااااضى دة

اضف رد

لن يتم نشر البريد الإلكتروني . الحقول المطلوبة مشار لها بـ *

*