الرئيسية / الاخبار الرياضية / صلاح ادريس: لن نطلق سراح أي لاعب.. والإعارة لابد ان تستمر

صلاح ادريس: لن نطلق سراح أي لاعب.. والإعارة لابد ان تستمر

ارسل صلاح ادريس راعي أهلي شندي التهاني من مقر إقامته بالمملكة العربية السعودية للاعبي الأهلي شندي مجلس الإدارة الجمهور الشنداوي مؤكداً أن هذا هو المكان الطبيعي للأهلي وحيا الرعيل الأول من الإداريين في اتحاد شندي، امثال عامر جمال الدين، وتحية خاصة لعميد لاعبي الأهلي شندي سيف الدين مساوي ونوه الى انه اللاعب الوحيد الذي حمل الكأس مع فريقين مختلفين، وتحدث عن قانون الإعارة وتحديدها بعددية معينة مؤكداً أنها ستضر كثيراً بالدوري الممتاز، وانتقد علي عبد السلام في ادارة الكرة بنادي الهلال لتفاوضه مع لاعبي الأهلي شندي قبل انتهاء مدتهم او المدة المسموح بالتفاوض معهم وهي قبل ستة أشهر من انتهاء التعاقد، وقال: للأسف ان علي عبد السلام كان مرشحاً لأن يكون سكرتيراً لاتحاد الخرطوم، واكد في تصريحاته ان الأهلي لن يطلق سراح اي لاعب للقمة وسيحتفظ بلاعبيه للموسم القادم الذي ستكون للأهلي فيه الكلمة العليا بإذن الله وقال: سنعمل في السنوات القادمة للمنافسة على احراز بطولة الدوري الممتاز. وفي ختام حديثه اثنى على ادارة الأهلي شندي وخص منهم عبد المهيمن وخضر مسعود وهاشم احمدون.

التعليق بواسطة فيس بوك

4 تعليقات

  1. اول حاجه مبروك ياارباب الكاس
    تاني حاجه من حقك ومن حق اهلي شندي يحتفظ،بلاعبنو مادام هناك طموح .
    بس لو فكيت بوغبا للهلال صدقني حتضرب كم عصفور بحجر
    واصلا في ناس في الهلال بهمهم الكلام القلتو فوق ده اكتر من الرغبه في بوغبا
    يعني بتمنو انك تقول كده
    فكو للهلال اقلاهو تكون خدمت الهلال
    وتكون كتلتا الدش لي ناس الرشيد في يدهم

    مع التسليم بحقك وطموح الفريق البترعاهو

    الاهلي شندي ماشالله فريق كلو نجوم

    ولما سجلتهم ماكان في زول بعرفوم زاتو بس نسوي شنو نحن في الناس المابعرفو يسجلو ديل

  2. بصراحة الارباب صاحب عين فاحصة ويجيد انتقاء النوم ما زي بتاعنا بتاع السيخ والطوب دة

  3. انتقاء النجوم عفوا

  4. هلالابي اصيل

    شداد كسر ليك الدش في يدك عند 30 لاعب معار موزعة علي الاندية حتعمل فيهم شنو والله مشكلة .

اضف رد

لن يتم نشر البريد الإلكتروني . الحقول المطلوبة مشار لها بـ *

*